«Մանչեսթեր Յունայթեդի» ավագ Հարի Մագուայերը հերքել է Կրիշտիանու Ռոնալդուի հետ ավագի թևկապի պատճառով կոնֆլիկտի մասին լուրերը:
Ավելի վաղ Mirror-ը հայտնել էր, որ Ռոնալդուն ցանկանում է լինել «Մանչեսթեր Յունայթեդի» ավագը, քանի որ պաշտպանը չի կարողանում գլուխ հանել այդ պարտականություններից և դրան ուղեկցող ճնշումից։ Mirror-ի պնդմամբ, դրա պատճառով խաղացողները կոնֆլիկտ են ունեցել։
«Ես շատ կեղծ լուրեր եմ տեսել «Մանչեսթեր Յունայթեդի» մասին, և սա դրանցից մեկն է:
Այն ամենը, ինչ գրված է այնտեղ, չեմ մեկնաբանի, բայց դա անհրաժեշտ էր պարզաբանել։ Մենք միասնական ենք և կենտրոնացած ենք կիրակնօրյա խաղի վրա («Լիդսի» դեմ)»,- գրել է Մագուայրը Twitter-ում:
Կային լուրեր, ըստ որոնց, «Յոթւնայթեդի» որոշ ֆուտբոլիստներ դժգոհ են Կրիշտիանու Ռոնալդուից:
