Մեսսին՝ Ֆրանսիայի Սուպերգավաթի հանդիպման լավագույն ֆուտբոլիստ

ՊՍԺ-ի հարձակվող Լիոնել Մեսսին ճանաչվել է Ֆրանսիայի Սուպերգավաթի՝ «Նանտի» դեմ խաղի լավագույն ֆուտբոլիստ։

Խաղն անցկացվել է հուլիսի 31-ին Թել Ավիվում և ավարտվել 4:0 հաշվով։ Արգենտինացին այս խաղում դարձել է գոլի հեղինակ։

Այս խաղում տարած հաղթանակի շնորհիվ փարիզցիների աստղային հարձակվողը նվաճեց իր կարիերայի 41-րդ տիտղոսը։ Այս ցուցանիշով նա աշխարհի երկրորդ խաղացողն է՝ զիջելով իր նախկին թիմակից Դանի Ալվեշին (46)։

Բացի այդ, ՊՍԺ-ն 11-րդ անգամ հաղթեց Ֆրանսիայի Սուպերգավաթը։