Ռեալի ֆուտբոլիստը հնարավոր է կարիերան շարունակի Թուրինում

«Տորինոն» հետաքրքրություն է ցուցաբերում Մադրիդի «Ռեալի» հարձակվողական ոճի կիսապաշտպան Ռեյնիերի նկատմամբ։

Այս մասին հայտնել է լրագրող Նիկոլո Սկիրան։

Աղբյուրի փոխանցմամբ՝ «Արքայական ակումբը» մտադիր է 20-ամյա բրազիլացուն հաջորդ մրցաշրջանում վարձավճարով տալ որևէ ակումբի։ Թուրինցիներն արդեն բանակցություններ են սկսել Ռեյնիերի գործակալի հետ։

Նախորդ մրցաշրջանում կիսապաշտպանը վարձավճարով հանդես էր գալիս Դորտմունդի «Բորուսիայում»: Նա 20 հանդիպում է անցկացրել բոլոր մրցաշարերում: