Դե Խեա. Ես այդպիսի բան չեմ ասել

«Մանչեսթեր Յունայթեդի» դարպասապահ Դավիդ դե Խեան հերքել է, որ բացասաբար է արտահայտվել իր թիմի մասին։

UtdDistrict Twitter-ի էջը տեղադրել էր իսպանացի ֆուտբոլիստի հետևյալ խոսքերը.

«Անկեղծ ասած, ամռանը ես շատ աշխատեցի մեկնարկային կազմում հայտնվելու, իմ մակարդակը ցույց տալու և թիմին օգնելու համար: Կարծում եմ՝ լավ խաղացի, բայց մենք վատ թիմ ունենք։ Այնպես որ, կարևոր չէ, թե ես ինչ եմ արել»:

Դե Խեան նկատել է այս գրառումը և անմիջապես պատասխանել.

“Ես դա չեմ ասել: Խնդրում եմ, նախքան հրապարակելը ստուգեք տեղեկատվությունը»,- գրել է Դե Խեան։