Մադրիդի «Ռեալի» կիսապաշտպան Իսկոն մոտ է անդալուսական «Բետիս» տեղափոխվելուն:
Ինչպես հայտնում է իսպանական As-ը, կիսապաշտպանը պայմանավորվել է անդալուսյան ակումբի հետ տեղափոխության հարցում։ Իսկոյին առաջարկվել է 2+1 պայմանագիր, որով նա կվաստակի տարեկան ավելի քան 10 միլիոն եվրո՝ առանց հարկերի: Բացի այդ, իսպանացին ստորագրման մեծ բոնուս կստանա:
Իսկոյի վերջնական աշխատավարձը կախված կլինի «Բետիսի» Չեմպիոնների լիգայի ուղեգիր նվաճելուց: Այս հարցում կարևոր կլինեն նաև այն վաճառքները, որոնք ակումբն ամենայն հավանականությամբ կիրականացնի ամռանը։
Այսպիսով, Իսկոն կարող է դառնալ «Բետիսի» պատմության ամենաբարձր վարձատրվող խաղացողը։
