«Բարսելոնան» և Spotify երաժշտական հոսքային ծառայությունը երկարաժամկետ պայմանագիր են կնքել։
Spotify-ը կդառնա «Բարսելոնայի» գլխավոր գործընկերը 2022 թվականի հուլիսի 1-ից։ Շվեդական ընկերության լոգոտիպը կհայտնվի կատալոնական թիմի մարզաշապիկների ու մարզումային հանդերձանքների առջևի մասում։
Spotify-ը կլինի նաև ակումբի մարզադաշտի տիտղոսային գործընկերը, որը կվերանվանվի Spotify Camp Nou:
ԶԼՄ-ների տեղեկություններով՝ պայմանագիրը նախատեսված է չորս տարով։ Համագործակցության ողջ ժամանակահատվածի համար ակումբը կստանա 282 միլիոն եվրո, հայտնում է The Sun-ը։
