Բարսելոնան որոշել է՝ ում ձեռք կբերի, եթե չհաջողվի պայմանավորվել Հոլանդի տրանսֆերի հարցում

Լևերկուզենի «Բայերի» հարձակվող Պատրիկ Շիկը հայտնվել է «Բարսելոնայի» դիտակետում։ Այս մասին հայտնում է Sport.es-ը։

Կատալոնական ակումբը դիտարկում է 26-ամյա չեխին ձեռք բերելու հնարավորությունը, եթե չհաջողվի պայմանավորվել Դորտմունդի «Բորուսիայի» հարձակվող Էրլինգ Հոլանդի տրանսֆերի հարցում։

Այս մրցաշրջանում Շիկը լևերկուզենյան ակումբի կազմում անցկացրել է 24 հանդիպում՝ դառնալով 20 գոլի և 3 գոլային փոխանցման հեղինակ:

Ֆուտբոլիստի պայմանագիրը Լևերկուզենի «Բայերի» հետ նախատեսված է մինչև 2025 թվականի ամառ, նրա տրանսֆերային արժեքը Transfermarkt-ը գնահատում է 40 միլիոն եվրո։