Բենզեման հավաքականում խփած գոլերի քանակով հավասարվել է Զիդանին

Ֆրանսիա-Շվեյցարիա հանդիպման հիմնական ժամանակն ավարտվեց 3:3 հաշվով, ավելացված ժամանակում թիմերը չկարողացան խփել միմյանց դարպասը, իսկ շվեյցարացիները հաղթեցին 11 մետրանոցներով՝ 5:4: 

Հիմնական ժամանակում Կարիմ Բենզեման դուբլի հեղինակ դարձավ Ֆրանսիայի հավաքականում: Այժմ հարձակվողը 31 գոլ ունի ազգային թիմի կազմում:

Այսպիսով, Ֆրանսիայի պատմության լավագույն ռմբարկուների ցուցակում նա շրջանցեց Ժյուստ Ֆոնտենին և Ժան-Պիեռ Պապինին (յուրաքանչյուրը 30-ական) ՝ հավասարվելով Զինեդին Զիդանին:

Բենզեմայի հաջորդ թիրախը Դեյվիդ Տրեզեգեի դիրքն է, ով 34 գոլով Ֆրանսիայի հավաքականի հինգերորդ ռմբարկուն է: Առաջատարը Թիերի Անրին է ՝ 51 գոլ: Նրան հաջորդում են Օլիվիե Ժիրուն (46), Միշել Պլատինին (41) և Անտուան ​​Գրիզմանը (38):

Եվրո 2020-ի խաղերի գործակիցներին կարող եք ծանոթանալ totogaming.am կայքում: