Մբապե. Ինձ պետք չէր Ռեալի դեմ խաղը` հասկանալու համար, որ հանդես եմ գալիս աշխարհի լավագույն ակումբներից մեկում

ՊՍԺ-ի հարձակվող Կիլիան Մբապեն խոսել է Չեմպիոնների լիգայի 1/8 եզրափակչի առաջին խաղում Մադրիդի «Ռեալին» խփած հաղթական գոլի մասին, հայտնում է RMC Sport-ը:

«Ես ուրախ եմ: Մենք շատ լավ խաղ ցուցադրեցինք և գոհ ենք։ Երկրորդ հանդիպումից առաջ առավելությունը մեր կողմն է:

Նեյմարն ինձ փոխանցում կատարեց, իսկ ես կարողացա արագ ներխուժել տուգանային հրապարակ, որտեղ իրավիճակն արդեն վերահսկում է հարձակվողը։ Պաշտպանները հետ մնացին, ու ես հաստատ գիտեի, որ ցանկանում եմ հարվածել դարպասապահի ոտքերի արանքով։

«Ռեալի» նման թիմը երբեք չի հանձնվում: Այս խաղում նա չկարողացավ արդյունքի հասնել, սակայն պատասխանում այլ կերպ կգործի։ Պետք է պատրաստվենք մարտի 9-ին.

Ես ուզում էի կենտրոնանալ ֆուտբոլի վրա։ Մարդիկ խոսում են շատ բաների մասին, բոլորը գիտեն ինչ-որ բան և միաժամանակ զրուցում ոչնչի մասին։ Ճշմարտությունն այն է, որ ես կենտրոնացած եմ թիմին օգնելու վրա:

Ուրախ եմ ՊՍԺ-ում գտնվելու համար: Ես ստիպված չէի սպասել «Ռեալի» դեմ խաղին` փետրվարի գիշերը, որպեսզի հասկանամ, որ խաղում եմ աշխարհի լավագույն ակումբներից մեկում»,- ասել է Մբապեն։