Չեմ հասկանա, եթե Զիդանին շանս չտան. Ռեալի հետ հանդիպումը 2 շաբաթից է. Դի Մեկո

«Մարսելի» և Ֆրանսիայի հավաքականի նախկին պաշտպան Էրիկ Դի Մեկոն կարծում է, որ ՊՍԺ-ն պետք է նոր գլխավոր մարզիչ նշանակի։

«Տեղի ունեցածից հետո (Ֆրանսիայի գավաթի խաղարկությունում «Նիցայից» կրած պարտությունը), ինձ թվում է, որ նրանք մտածում են այդ մասին։ Շուտով կմեկնարկի Չեմպիոնների լիգան, շուկայում շատ մարդիկ կան: Չեմ հասկանա, եթե Զիդանին շանս չտան։

«Ռեալի» հետ խաղը 2շաբաթից է և մենք երեկվա նման հանդիպումներ ենք տեսնում, ինչպես «Նիցայի» հետ, որտեղ թիմային խաղ չկար։ Անհատական ​​մակարդակում առաջընթաց ևս չկա։

Մի բան է, որ խաղացողներն ու առաջատարները կատարեն իրենց աշխատանքը, բայց Պոչետինոյի գալուց հետո որևէ առաջընթաց չկա: Ես նույնիսկ մտածում եմ, արդյոք նա դա միտումնավոր չի անում», Դի Մեկոյի խոսքերն է փոխանցում RMC Sport-ը:

Դի Մեկոն Ֆրանսիայի հավաքականում անցկացրել է 23 հանդիպում: