Ընթացիկ մրցաշրջանում ամենաքիչ գոլ բաց թողած թիմերը

Ֆուտբոլում հաջողության հասնելու կարևոր գրավականներից է ամուր պաշտպանությունը: Արդյունք ապահովում են խփած գնդակները, իսկ դարպասի անառիկությունը վստահություն է ներշնչում հարձակվողներին և փլեյմեյքերներին:

Ներկայացնում ենք այս մրցաշրջանում դեռևս ամենաքիչ գնդակ բաց թողած թիմերին:

1-ին հորիզոնականում հոլանդական «Այաքսն» է: Տեն Հագի թիմն անցկացրած 19 խաղում բաց է թողել չնչին` 4 գնդակ: Նիդերլանդների առաջնությունում «Այաքսի» խփած և բաց թողած գնդակների տարբերությունը կազմում է +55: Համեմատության համար այս ցուցանիշով 2-րդը` «Ֆեյենորդն» է, որի մոտ այն կազմում է +24: Այստեղ զարամանալին այն է, որ «Այաքսը» նման թվերով զբաղեցնում է մրցաշարային աղյուսակի 2-րդ հորիզոնականը, 1 միավորով զիջելով ՊՍՎ-ին, որի գնդակների տարբերությունը` +23 է:

Ցուցակում 2-րդ դիրքը պորտուգալական «Սպորտինգինն» է: Պորտուգալիայի գործող չեմպիոնները 18 խաղում ընդունել են 10-ը գնդակ: Լիսաբոնական ակումբը ներքին առաջնությունում գտնվում է 2-րդ հորիզոնականում, գնդակների +24 տարբերությամբ: Վերջինս 3 միավոր է զիջում առաջատար «Պորտուին»:

Եռյակը եզրափակում են ավստրիական «Զալցբուրգը» և «Պորտուն»: Երկու թիմն էլ, 18 խաղում 12 անգամ հանել է գնդակը սեփական դարպասի միջից: Ավստրիացիներն ունեն խփած և բաց թողած գնդակների +30, իսկ «վիշապները»` +36 տարբերություն:

Մյուս հորիզոնականները.

5. «Մանչեսթեր Սիթի» 22 խաղ- 13 գոլ

6. «Սևիլիա» 20 խաղ- 13 գոլ

7. «Նապոլի» 21 խաղ- 15 գոլ

8. «Վուլվերհեմփթոն» 20 խաղ- 15 գոլ

9. «Բենֆիկա» 18 խաղ- 16 գոլ

10. ԲԿՄԱ 18 խաղ- 16 գոլ