Լուկակուն կարող է տեղափոխվել լոնդոնյան մեկ այլ ակումբ

Լոնդոնի «Չելսիի» հարձակվող Ռոմելու Լուկակուն կարող է փոխել ակումբային գրանցումը:

Բելգիացին հնարավեր է տեղափոխվի իր ներկայիս թիմի գլխավոր մրցակիցներից մեկի՝ «Տոտենհեմի» ճամբար։ Այս մասին հայտնում է InterNews24-ը՝ հղում անելով La Gazzetta dello Sport-ին։

Աղբյուրի համաձայն՝ դրանում առանցքային դեր կարող է խաղալ ֆուտբոլիստի ցանկությունը, կրկին աշխատել իտալացի Անտոնիո Կոնտեի գլխավորությամբ։ Իր հերթին, «Տոտենհեմը» պատրաստ է փոխել առաջնահերթ տրանսֆերային նպատակը, որը «Ֆիորենտինայի» երիտասարդ հարձակվող Դուշան Վլահովիչն, է և իր առջև խնդիր դնել, պայմանագիր կնքել Լուկակուի հետ, որի տրանսֆերի վրա «Չելսին» ծախսել է 115 միլիոն եվրո։

Նախկինում Ռոմելու Լուկակուն երկար հարցազրույց էր տվել իտալական լրատվամիջոցներին, որտեղ խոսել էր «Ինտերից» հեռանալու հանգամանքների և «Չելսիում» Տուխելի սխեմայից իր դժգոհության մասին։ Դրանից հետո Տուխելը չէր ​​ընդգրկել 28-ամյա հարձակվողին «Լիվերպուլի» դեմ խաղի հայտացուցակում։