Յունայթեդը պաշտոնական առաջարկ է ստացել իսպանական ակումբից

«Մանչեսթեր Յունայթեդը» պաշտոնական առաջարկ է ստացել հարձակվող Անտոնի Մարսիալի համար` «Սևիլիայից», հայտնում է  Sky Sports -ը:

«Սևիլիան» 26-ամյա ֆրանսիացուն վարձակալելու պաշտոնական առաջարկ է արել: Ֆուտբոլիստով լրջորեն հետաքրքված է նաև «Բարսելոնան»:

Ինքը` ֆրանսիացին նույնպես ցանկություն է հայտնել հեռանալ Իսպանիա: Եվ ավելի հակված է կարիերան շարունակել անդալուսյան ակումբում:

Այս մրցաշրջանում Մարսիալը Պրեմիեր լիգայում անցկացրել է 7 հանդիպում՝ դառնալով 1 գոլի հեղինակ։