Տադիչը ճանաչվել է Սերբիայի տարվա ֆուտբոլիստ, նա գերազանցել է Մեսսիի ռեկորդը

«Այաքսի» կիսապաշտպան Դուշան Տադիչը ճանաչվել է Սերբիայի 2021 թվականի լավագույն խաղացող։

33-ամյա ֆուտբոլիստն իր կարիերայում 3-րդ անգամ է ստացել սերբական «Ոսկե գնդակը» (նախկինում՝ 2016 և 2019 թվականներին):

Սերբիայի հավաքականի կազմում խաղացողը կիսել է ԱԱ-2022-ի ընտրական մրցաշարի լավագույն ասիստենտի կոչումը (6 գոլային փոխանցում): Պորտուգալիայի դեմ՝ Քաթարի ուղեգրի համար վճռորոշ խաղում, (2:1) նա դարձավ գոլի և գոլային փոխանցման հեղինակ։

Բացի այդ, նրան հաջողվել է գերազանցել Լիոնել Մեսսիի ռեկորդը օրացուցային տարվա ընթացքում գոլային փոխանցումների քանակով (37): 2011 թվականին «Բարսելոնայի» կազմում արգենտինացին 36 գոլային փոխանցում է կատարել։