Մանչինի. Այդ խաղը համաշխարհային ֆուտբոլի դասականն է

Իտալիայի հավաքականի գլխավոր մարզիչ Ռոբերտո Մանչինին մեկնաբանել է Ազգերի լիգայի խմբային փուլի վիճակահանության արդյունքները:

Վիճակահանության արդյունքում իտալացիների մրցակիցներն են` Անգլիայի, Գերմանիայի և Հունգարիայի հավաքականները։

«Սա լավ խումբ է և Անգլիայի, Գերմանիայի ու Հունգարիայի հետ միասին անպայման հետաքրքիր կլինի։

Ուժեղ հակառակորդների հետ հանդիպելը ֆուտբոլային դիտարժանության մի մասն է: Մենք արդեն խաղացել ենք Անգլիայի հետ Եվրո 2020-ի եզրափակչում, այնպես որ բոլորիս ևս երկու լարված խաղ է սպասվում ։

Ինչ վերաբերում է Գերմանիային, ապա նրա հետ մեր հանդիպումները համաշխարհային ֆուտբոլի դասականն են, և ես առաջին անգամ եմ խաղալու նրանց դեմ որպես գլխավոր մարզիչ, ուստի շատ ուրախ եմ դրա համար։

Եվ ի վերջո, Հունգարիայի հետ հանդիպումները կլինեն իտալացի մարզիչների դիմակայություն։ Մարկո Ռոսսիի գլխավորությամբ հունգարացիները շատ լավ հանդես եկան Եվրոյում։

Եթե ​​Իտալիան 2022 թվականի աշխարհի առաջնության ուղեգիր նվաճի, Ազգերի լիգայի խաղերը ընկերական հանդիպումների բնույթ կլինեն:

Մենք, իհարկե կփորձենք հաղթել Ազգերի լիգայում, քանի որ ցանկանում ենք կրկին հայտնվել եզրափակչում, ինչպես արեցինք այս տարի, և նորից անցնել ամբողջ մրցաշարը», Մանչինիի խոսքերն է մեջբերում Football-Italia-ն։