Մոուրինյո. Մխիթարյանը հիանալի խաղաց

«Ռոմայի» գլխավոր մարզիչ Ժոզե Մուորինիոն ամփոփել է «Ջենոայի» դեմ հաղթական խաղը:

«Դժվար հանդիպում էր, սակայն մենք առավելություն ունեինք: Ուղղահայաց խաղը միշտ չէր, որ ստացվում էր: Խաղի թելը մեր ձեռքում էր: Թույլ չէինք տալիս, որպեսզի «Ջենոան» հակագրոհի:

Մխիթարյանը պարզապես հիանալի հանդիպում անցկացրեց:

Պետք է առանձնացնեմ նայև Աֆենա-Գյանի խաղը: Նրա խաղադաշտ մտնելով թիմը սկսում է ավելի դինամիկ խաղալ: Նա իր էներգիայով և հզորությամբ մեծ գլխացավանք է դառնում մրցակիցների համար»,- պորտուգալացու խոսքերն է մեջբերում Football Italia-ն:

«Ռոման» հյուրընկալվելիս 2:0 հաշվով առավելության էր հասել «Ջենոայի» նկատմամբ: Մխիթարյանը դարձել էր գոլային փոխանցման հեղինակ: