Ռոբերտ Լևանդովսկի. Հիմա այդքան էլ չեմ մտածում Ոսկե գնդակի մասին

Մյունխենի «Բավարիայի» հարձակվող Ռոբերտ Լևանդովսկին խոսել է սպասվելիք «Ոսկե գնդակի» մրցանակաբաշխության մասին:

«Այլևս այդքան չեմ մտածում «Ոսկե գնդակի» մասին: Դրա մասին մտքերը հաստատ չեն մեծացնի այն հաղթելու շանսերը: Ցանկանում եմ կենտրոնանլ այլ բաների վրա:

Հնարավոր է, ժամանակի մոտենալուն պես սկսեմ մտածել, բայց հիմա նոյեմբերի սկիզբն է` դեռ ժամանակ կա:

Իհարկե «Ոսկե գնդակը» հիանալի մրցանակ է, բայց մտածել դրա մասին պետք չէ: Ես բավականին անելիքներ ունեմ դրանից առաջ և հետո»,- ասել է լեհ հարձակվողը:

Մրցանակի հանձնման արարողությունը կկայանա նոյեմբերի 29-ին` Փարիզում: Լևանդովսկին հաղթողի գլխավոր հավակնորդներից մեկն է: