Վարդան Մինասյանը կարող է գլխավորել ղազախական մեկ այլ ակումբ

Օրերս ղազախական «Տարազի» գլխավոր մարզչի պաշտոնից հեռացավ Վարդան Մինասյանը։

Ինչպես տեղեկացնում է Meta-ratings.kz-ն, հայ մասնագետը կարող է աշխատանքի անցնել ղազախական մեկ այլ ակումբում։ Ըստ աղբյուրի՝ Մինասյանն արդեն առաջարկ է ստացել՝ այդ ակումբը գլխավորելու։ Ակումբի անունը դեռևս չի նշվում։

Հիշեցենք, որ 47-ամյա մասնագետը «Տարազից» հեռացել էր ակումբում եղած ֆինանսական խնդիրների պատճառով։