ՊՍԺ-ն և Ինտերը կպայքարեն Բավարիայի ֆուտբոլիստի համար

Մյունխենի «Բավարիայի» կիսապաշտպան Կորենտեն Տոլիսոն կարող է փոխել ակումբային գրանցումը։

Ինչպես տեղեկացնում է Calciomercato-ն, ֆրանսիացու ծառայություններով հետաքրքրված են ՊՍԺ-ն և Միլանի «Ինտերը»։ 27-ամյա ֆուտբոլիստի պայմանագրի ժամկետը մյունխենյան ակումբի հետ լրանում է 2022 թվականի ամռանը, իսկ վերջինիս տրանսֆերային արժեքը կազմում է 15 միլիոն եվրո։

Տոլիսոն ընթացիկ մրցաշրջանում գերմանական ակումբի կազմում մասնակցել է հինգ հանդիպման՝ դառնալով մեկական գոլի և արդյունավետ փոխանցման հեղինակ։