Ռեալը Լա Լիգայի լավագույն արդյունավետությունն է ցուցաբերել վերջին 33 տարվա մեջ

Իսպանիայի առաջնության 6-րդ տուրում Մադրիդի «Ռեալը» 6-1 հաշվով ջախջախեց «Մալյորկային»։


Հեթ-տրիկի հեղինակ դարձավ Մարկո Ասենսիոն։ Իր հաշվին դուբլ ձևակերպեց Քարիմ Բենզեման, ևս մեկ գոլ խփեց Իսկոն։ Վեց տուրից հետո «Արքայական ակումբը» խփել է 21 գնդակ։

Ինչպես տեղեկացնում է Opta-ն, սկսած 1987/88 մրցաշրջանից, սա «սերուցքայինների» լավագույն արդյունավետությունն է Լա Լիգայում՝ անցկացրած վեց խաղից հետո։

1987/88 մրցաշրջանում առաջին վեց տուրից հետո «Ռեալին» հաջողվել էր խփել 26 գոլ։