🎥Բարսելոնան տանը հաղթեց Խետաֆեին

Լա լիգայի 3-րդ տուրում այսօր՝ օգոստոսի 29-ին,  «Բարսելոնան» ընդունել էր «Խետաֆեին» ու 2-1 հաշվով հաղթանակ տարավ։

Խաղի հաշիվը բացվեց 2-րդ րոպեին․ Ժորդի Ալբայի փոխանցումից հետո աչքի ընկավ Սերժի Ռոբերտոն։ 18-րդ րոպեին Սանդրո Ռամիրեսը հավասարեցրեց հաշիվը, բայց դեռ առաջին կեսը չավարտված տանտերերը նորից առաջ անցան հաշվի մեջ․ դե Յոնգի փոխանցումից հետո մրցակցի դարպասը գրավեց Մեմֆիս Դեպայը։

«Բարսելոնան» 3-րդ տուրից հետո ունի 7 միավոր՝ ինչպես «Ռեալը», «Սևիլյան», «Վալենսիան» ու «Մալյորկան»։ «Խետաֆեն» առայժմ միավոր չունի։