Եվլոև․ Ալեքսանյանը 3 տարի է ինձ պարտվում է, պիտի իր մեջ վերլուծություններ անի

Հունահռոմեական ոճի ռուսաստանցի ըմբիշ Մուսա Եվլոևը մեկնաբանել է Տոկիո-2020-ի 97 կգ քաշային կարգում Հայաստանի ներկայացուցիչ Արթուր Ալեքսանյանի հետ գոտեմարտից հետո մրցավարությունից վերջինիս դժգոհությունը։ Եվլոևի խոսքերը ներկայացրել է TACC-ը։

-Եզրափակչում Ձեր մրցակից Արթուր Ալեքսանյանը շատ դժգոհ էր մրցավարներից ու այսպիսի արտահայտություն արեց․ «պիտի Ռուսաստանից լինես, որ հաղթես»։ Ի՞նչ եք մտածում այդ մասին։

-Նա երեք տարի անընդմեջ ինձ պարտվում է բոլոր մրցաշարերում, որտեղ հանդես ենք գալիս։ Պիտի առաջին հերթին իր մեջ վերլուծություններ անի։ Չգիտեմ՝ ինչու է այդպես ասել։ Իսկ այնպես մենք նորմալ շփվում ենք, նա լավ տղա է։

-Դուք նույնիսկ ընկերաբար շոյեցիք նրա գլուխը, երբ եզրափակիչ գոտեմարտն ավարտվեց։

-Նա ինձ շնորհավորեց հաղթանակի առթիվ, դե ես էլ նրան շնորհավորեցի լավ գոտեմարտի համար։ Մենք լավ հարաբերություններ ունենք, կոնֆլիկտ չկա։

Տոկիո-2020-ի խաղերի գործակիցներին կարող եք ծանոթանալ Totogaming.am կայքում։