Շնորհակալ եմ աջակցության համար․ Հովհաննես Բաչկովն՝ ադրբեջանցուն հաղթելուց հետո

Բռնցքամարտիկ Հովհաննես Բաչկովը Տոկիոյում ընթացող 32-րդ ամառային Օլիմպիական խաղերի քառորդ եզրափակիչ փուլի ուղեգիր է նվաճել՝ 1/8 եզրափակչում մրցավարների որոշմամբ հաղթելով Ադրբեջանի ներկայացուցչին։

Սկզբունքային մենամարտից հետո մեր հայրենակիցը շնորհակալություն է հայտնել աջակցության համար․

«Շնորհակալություն բոլոր նրանց, ովքեր սպասում էին այս հաղթանակին։ Այնքան շատ հաղորդագրություններ եմ ստացել, շնորհակալ եմ աջակցության համար»,- ասել է Բաչկովը։

Հիշեցնենք՝ մինչև 63 կգ քաշային կարգի 1/8 եզրափակչում Բաչկովը մենամարտել է ադրբեջանցի Ջավիդ Չալաբիևի հետ և հաղթել 4։1 հաշվով։ Օգոստոսի 3-ին կայանալիք 1/4 եզրափակչում Եվրոպայի կրկնակի չեմպիոնը մրցելու է Էլնուր Աբդուրաիմովի հետ (Ուզբեկստան), որին հաղթելու դեպքում կապահովի Օլիմպիական խաղերի առնվազն բրոնզե մեդալ։

Գևորգ Ղազարյան՝ Տոկիոյից հատուկ ArmSport-ի համար

Տոկիո-2020-ի խաղերի գործակիցներին կարող եք ծանոթանալ Totogaming.am կայքում։