Գլուխդ բարձր պահիր, մենք շատ հպարտ ենք քեզանով․ Արսենալը աջակցել է Սակային

«Արսենալը» Instagram-ում Եվրո-2020-ի եզրափակչում Իտալիայից կրած պարտությունից հետո (1-1, 11մ ՝ 2-3) հայտարարություն է տարածել Անգլիայի հավաքականի կիսապաշտպան Բուկայո Սակային սատարելու վերաբերյալ: 11 մետրանոց հարվածաշարում նա վրիպեց՝ կատարելով վճռորոշ հարվածը:

«Անցած գիշեր մենք տեսանք, թե ինչպես է 19 տարեկան Բուկայոն խաղում Եվրո-2020-ի եզրափակչում: Նա մեզ հետ է դեռ յոթ տարեկանից, և ամբողջ ակումբը շատ հպարտ է, որ ամբողջ մրցաշարի ընթացքում նա ներկայացրել է Անգլիան: Անցած գիշեր մենք ականատես եղանք նրա կերպարին, որը մենք միշտ ճանաչել ու սիրել ենք: Այնուամենայնիվ, հպարտության այս զգացումը արագորեն վերածվեց տխրության՝ վերջին սուլիչից հետո մեր սոցցանցերում երիտասարդ խաղացողի նկատմամբ ռասիստական ​​մեկնաբանությունների պատճառով:

Մենք դատապարտում ենք ռասիզմը սեւամորթ խաղացողների նկատմամբ: Սա չի կարող շարունակվել: Սոցիալական մեդիայի հարթակները և իշխանությունները պետք է միջոցներ ձեռնարկեն վերջ տալու այս դաժան բռնությանը, որին ենթարկվում են ամեն օր մեր խաղացողները:

«Արսենալում» մենք մեր խաղացողներին երաշխավորում ենք և՛ հոգեբանական, և՛ գործնական աջակցություն այս հարցում, բայց, ցավոք, քիչ բան կարող ենք անել:

Մենք դիմում ենք Բուկայոյին. գլուխդ բարձր պահիր, մենք շատ հպարտ ենք քեզանով», – ասվում է ակումբի հայտարարության մեջ: