📷 Բարսելոնան կատակել է Ռեալի հասցեին՝ Լաս Վեգասում կայանալիք հանդիպումից առաջ

Կատալոնական «Բարսելոնան» Ամերիկայի Միացյալ Նահանգներ շրջագայության շրջանակում ընկերական հանդիպման նախօրեին կատակել է Մադրիդի «Ռեալի» հասցեին։

Դրա համար կատալոնացիները մեծ էլեկտրոնային գովազդային վահանակ են օգտագործել՝ Լաս Վեգասի երկնաքերներից մեկի վրա։

«Մի անհանգստացեք, այն ամենը, ինչ տեղի է ունենում Լաս Վեգասում, մնում է Լաս Վեգասում»,- ասվում է կատալոնական ակումբի հայտարարության մեջ:

Հիշեցնենք, որ կատալոնական և մադրիդյան գրանդների միջև հանդիպումը կանցկացվի կիրակի՝ հուլիսի 24-ին։

Նախորդ մրցաշրջանում Մադրիդի «Ռեալը» դարձավ Իսպանիայի չեմպիոն, իսկ «Բարսելոնան» նվաճեց Լա Լիգայի արծաթե մեդալները։