Անում եմ ամեն ինչ, որպեսզի Ռոնալդուն գա Արսենալ․ Մորգան

Բրիտանացի հայտնի լրագրող Փիրս Մորգանը վստահ է, որ հարձակվող Կրիշտիանու Ռոնալդուն այս ամառ կհեռանա «Մանչեսթեր Յունայթեդից»։

Մորգանը նաև հավելել է, որ պորտուգալացուն կոչ է անում տեղափոխվել «Արսենալ»։

«Նախորդ շաբաթ բավականին շատ շփումներ ունեցանք: Միանշանակ կարծում եմ, որ չափազանց քիչ հավանական է, որ Կրիշտիանու Ռոնալդուն ևս մեկ հանդիպում կանցկացնի «Մանչեսթեր Յունայթեդի» կազմում։ Կարծում եմ՝ մտովի նա արդեն հեռացել է ՄՅՈւ-ից։

Չեմ պատրաստվում բացահայտել, թե ինչի մասին ենք խոսել միմյանց հետ, բայց չեմ կարծում, որ Կրիշտիանուն հավատում է, որ «Մանչեսթեր Յունայթեդը» կիսում է ֆուտբոլիստի հավակնությունները։

«Արսենալի» երկրպագուները, ովքեր հիմա լսում են ինձ, պետք է իմանան, որ ես անում եմ ամեն ինչ, որպեսզի համոզեմ նրան գնալ «Արսենալ», – Մորգանին է մեջբերում talkSPORT-ը: