Ռեալի կիսապաշտպանը հնարավոր է կարիերան շարունակի Ա Սերիայում

Մադրիդի «Ռեալը» կարող է կիսապաշտպան Ռեյներին ևս մեկ մրցաշրջանով վարձավճարով տալ այլ ակումբի, հայտնում է La Gazzetta dello Sport-ը։

20-ամյա կիսապաշտպանը վերջին երկու մրցաշրջանները վարձավճարով անցկացրել է «Բորուսիայում», որտեղ չկարողացավ ամրապնդվել հիմնական կազմում։

«Ռոման» հետաքրքրված է բրազիլացուն հրավիրելու հարցում։ Սակայն գործարքն ավարտին հասցնելու համար հռոմեացիները պետք է բաց թողնեն իրենց խաղացողներից մեկին։

Նրանցից մեկը կարող է լինել Ստեֆան Էլ Շարավին։ Կա նաև հավանականություն, որ Կարլես Պերեսը կհեռանա հռոմեական ակումբից։