Մբապեն շնորհավորել է Բենզեմային ՉԼ-ն հաղթելու կապակցությամբ

ՊՍԺ-ի Ֆրանսիայի հավաքականի հարձակվող Կիլիան Մբապեն շնորհավորել է Կարիմ Բենզեմային Չեմպիոնների լիգայում հաղթելու կապակցությամբ.

«Շնորհավորում եմ, շնորհավորում եմ: Տիտղոսներ նվաճելը միշտ էլ դժվար է, ուստի չես կարող անտեսել այն, երբ հաղթում ես դրանցից մեկը:

Նաև սա նրա հինգերորդն է [ՉԼ-ի գավաթը], ուստի շնորհավորում եմ նրան»,- ասել է Մբապեն հավաքականում հարցազրույցի ժամանակ:

Հիշեցնենք, որ օրերս Բենզեման «Ռեալի» հետ 5-րդ անգամ հաղթեց Չեմպիոնների լիգայի գավաթը, իսկ Մբապեն չտեղափոխվեց Մադրիդ` պայմանագիր կնքելով ՊՍԺ-ի հետ: