🎥Եվրո-2020. Սուպերֆուտբոլ Անգլիայի կատարմամբ․ Ուկրաինան ավարտեց ելույթները

Եվրո-2020-ի քառորդ եզրափակչի վերջին խաղում Հռոմում մրցում էին Ուկրաինայի և Անգլիայի հավաքականները։ Անգլիացիները ջախջախիչ հաղթանակ տարան․ խաղն ավարտվեց 4-0 հաշվով։

Հանդիպման հաշիվը բացվեց 4-րդ րոպեին․ Ստերլինգի փոխանցումից հետո ուկրաինացիների դարպասը գրավեց Հարի Քեյնը։ Ուկրաինայի հավաքականը ժամանակ առ ժամանակ փորձում էր սպառնալ Փիքֆորդի դարպասին, բայց նա, ինչպես նախորդ խաղերին, այսօր ևս անառիկ պահեց դարպասը։

Երկրորդ կես սկզբնամասում՝ 46-րդ րոպեին Լյուկ Շոուի փոխանցումից հետո հաշիվը կրկնապատկեց Հարի Մագուայերը և ուկրաինացիների խաղի թելը կտրվեց։ Ընդամենը 4 րոպե անց Քեյնը դուբլ ձևակերպեց․ գոլային փոխանցումը կրկին Շոուինն էր։ 63-րդ րոպեին անգլիացիների 4-րդ գնդակը մրցակցի դարպասն ուղարկեց Ջորդան Հենդերսոնը՝ Մաունթի փոխանցումից հետո։

Այսպիսով, հուլիսի 7-ին Անգլիայի հավաքականը եզրափակչի ուղեգիրը կվիճարկի Դանիայի ընտրանու հետ։

Եվրո 2020-ի խաղերի գործակիցներին կարող եք ծանոթանալ totogaming.am կայքում: