📸 Էվրան ծաղրել է Սիթիի ֆուտբոլիստներին

«Մանչեսթեր Յունայթեդի» նախկին պաշտպան Պատրիս Էվրան ծաղրել է «Մանչեսթեր Սիթիի» խաղացողներին Չեմպիոնների լիգայի կիսաեզրափակչում նրանց անհաջողությունից հետո։

Ֆրանսիացին, ով ութ տարի է անցկացրել «Յունայթեդում» և օգնել է ակումբին նվաճել Չեմպիոնների լիգայի գավաթը 2008 թվականին, սոցիալական ցանցերում լուսանկար է հրապարակել, որտեղ նստած է «կարմիր սատանաների» լեգենդ՝ սըր Բոբի Չարլթոնի կողքին:

«Ի՞նչ եք կարծում, սըր Բոբին և ես քանի՞ տարի պետք է սպասենք: 1, 5, 90 տարի՞», – գրել է Էվրան լուսանկարի տակ` ակնարկելով Չեմպիոնների լիգայում «Սիթիի» կրկնվող անհաջողությունների մասին։