Goal. Սիթիին մեկ քայլ է բաժանում աստղային հարձակվողին ձեռք բերելուց

Goal.com-ի լրագրողները կիսվել են նորվեգացի Էրլինգ Հոլանդի՝ Դորտմունդի «Բորուսիայից» «Մանչեսթեր Սիթի» հավանական տեղափոխության վերաբերյալ իրենց տվյալներով։

Ավելի վաղ ինսայդեր Ջանլուկա դի Մարցիոն հայտնել էր, որ գործարքը մոտ է ավարտին։

Նույն կարծիքին են նաև Goal-ի ներկայացուցիչները։ Ըստ նրանց՝ անգլիական թոփ ակումբը գտնվում է 21-ամյա ռմբարկուի տրանսֆերի շուրջ վերջնական բանակցությունների փուլում։

Էրլինգի տրանսֆերային արժեքը ներկայումս կազմում է 150 միլիոն եվրո, իսկ «մեղուների» հետ նրա պայմանագիրը նախատեսված է մինչև 2023 թվականի ամառը:

Այս մրցաշրջանում Հոլանդը Բունդեսլիգայի 22 խաղում դարձել է 21 գոլի և 7 գոլային փոխանցման հեղինակ: