Իտալիայում քչերն ունեն այնպիսի կազմ, ինչպիսին թեկուզ Լեսթերինն է. Մոուրինյո

Ժոզե Մոուրինյոն Կոնֆերենցիաների լիգայի շրջանակում «Ռոմայի» և «Լեսթերի» հետ հանդիպումից առաջ համեմատել է Պրեմիեր լիգան և Ա սերիան:

«Սա մեր 13-րդ խաղն է ԿԼ-ում, և մենք դրա համար վճարել ենք միավորներով Ա Սերիայում, քանի որ պետք է խաղայինք հինգշաբթի, իսկ հետո կիրակի օրը: 30 խաղացող ունեցող թիմերի համար ռոտացիան խնդիր չէ, բայց մենք նման հնարավորություններ չունենք։

«Լեսթերի» առավելությունն այն է, որ նրանք չպետք է անհանգստանան Պրեմիեր լիգայում տեղ ունենալու համար, իսկ մենք ցանկանում ենք մտնել Եվրոպա լիգա: Մենք կարող ենք մրցաշրջանն ավարտել հինգերորդից ութերորդ տեղերից ցանկացածում։ Դժվար ժամանակ է, բայց դա մոտիվացնում է:

Ի՞նչ տարբերություն եք տեսնում Պրեմիեր լիգայի և Ա Սերիայի միջև:

«Իտալիան մեծ պոտենցիալ ունի, բայց քրտնաջան աշխատանքի շնորհիվ կարելի է հասնել միայն սահմանափակ հաջողությունների, մնացածը հնարավոր է միայն գումարով: Դա լիգաների օբյեկտիվ տարբերությունն է:

Իտալիայում քչերը կարող են իրենց թույլ տալ Պրեմիեր լիգայի ակումբի նման կազմ ունենալ, նույնիսկ եթե մենք խոսում ենք «Լեսթերի», այլ ոչ թե «Լիվերպուլի» կամ «Մանչեսթեր Սիթիի» մասին: Բայց մարտավարության միջոցով մենք կարող ենք խնդիրներ ստեղծել տնտեսական մեծ ներուժ ունեցող ակումբների համար։ Դա է ֆուտբոլի գեղեցկությունը,- փոխանցում է պորտուգալացու խոսքերը Football Italia ։