Ռեալի ֆուտբոլիստը բաց կթողնի Չելսիի դեմ պատասխան հանդիպումը

Մադրիդի «Ռեալի» պաշտպան Էդեր Միլիտաոն բաց կթողնի Չեմպիոնների լիգայի «Չելսիի» դեմ պատասխան հանդիպումը։

1/4 եզրափակչի առաջին խաղի 14-րդ րոպեին բրազիլացին կոպիտ խաղաց լոնդոնյան ակումբի կիսապաշտպան Կայ Հավերցի նկատմամբ և զգուշացվեց դեղին քարտով։

Դեղին քարտերի առավելագույն քանակը լրացնելու պատճառով Միլիտաոն չի մասնակցի ապրիլի 12-ին «Սանտիագո Բեռնաբեուում» կայանալիք 2-րդ խաղին: