Դա սարսափելի էր․ Դանիելսոնը ներողություն է խնդրել Բեսեդինից

Եվրո-2020-ի 1/8 եզրափակչի շրջանակներում Ուկրաինայի հավաքականը լրացուցիչ ժամանակում հաղթեց Շվեդիային և դուրս եկավ մրցաշարի հաջորդ փուլ, որտեղ կհանդիպի Անգլիայի ընտրանու հետ, բայց «դեղին-կապույտների» պատմական հաղթանակը ստվերում է հարձակվող Արտյոմ Բեսեդինի սարսափելի վնասվածքը:

Շվեդիայի հավաքականի պաշտպան Մարկուս Դանիելսոնը ծանր վնասվածք հասցրեց մրցակցին: VAR- ը դիտելուց հետո մրցավարը նրան կարմիր քարտ ցույց տվեց: Հանդիպումից հետո Դանիելսոնը ներողություն խնդրեց Բեսեդինի ՝ ընդունելով իր սխալը:

«Ես տեսա դրվագի կրկնությունը: Դա սարսափելի էր։ Նրա ծունկը հակառակ ուղղությամբ թեքվեց: Մրցավարները օգտագործեցին VAR-ը և որոշեցին, որ դա կարմիր քարտ է: Դա արդարացի էր, չնայած սկզբից ինձ այդպես չէր թվում:

Ես նրան վնասվածք հասցնելու մտադրություն չունեի: Ես նրան ասացի դա, և հուսով եմ, որ նա արագ կապաքինվի: Նա չի խոսում անգլերեն, և նրանց ավագը թարգմանեց: Ըստ ամենայնի, նա ընդունեց իմ ներողությունը», – մեջբերում է Դանիելսոնին Aftonbladet-ը:

Եվրո 2020-ի խաղերի գործակիցներին կարող եք ծանոթանալ totogaming.am կայքում: