Ալվեշ. Լեոն իր տեղում չէ, նա չի կարողանում հաճույք ստանալ

«Բարսելոնայի» պաշտպան Դանի Ալվեշը կիսվել է ՊՍԺ-ում Լիոնել Մեսսիի մասին իր կարծիքով.

«Չեմ կարծում, որ նա հաճույք է ստանում ՊՍԺ-ում: Լեոն ֆուտբոլն առանձնահատուկ է դարձնում, և նա դա անում է, երբ լավ ժամանակ է անցկացնում։ Եվ երբ նա լավ ժամանակ է անցկացնում, մնացածը վայելում են իր խաղը:

Իմ կարծիքով Փարիզը Մեսսի տեղը չէ։ Լեոն ապրել է աշխարհի լավագույն վայրում, որպեսզի անի այն, ինչ սիրում է:

Նա ինձ միշտ ասում էր. «Որտե՞ղ կլինի քո համար ավելի լավ, քան այստեղ՝ «Բարսելոնայում»: Ես ստուգեցի՝ ավելի լավ տեղ չկա։ Երբ հայտնի դարձավ, որ նա հեռանում է, ես նրան նույն խոսքերը գրեցի:

Այս կամ այն ​​պատճառով նա հիմա այստեղ չէ, և ես հույս ունեմ, որ կարող է վերադառնալ: Չգիտեմ՝ դա տեղի կունենա, թե ոչ, բայց եթե նա վերադառնա, թող գա, երբ ես այստեղ լինեմ, որ մի քիչ էլ վայելեմ։

Բոլոր նրանք, ովքեր հեռացան «Բարսայից», փոշմանեցին դրա համար։ Ինչ-որ մեկը կասի, որ դա այդպես չէ, քանի որ նրանք չեն սիրում ընդունել ձախողումը, բայց բոլորը ափսոսում են, որովհետև այստեղ ավելի լավ է, քան որևէ այլ տեղ»,- ասել է բրազիլացի ֆուտբոլիստը  ESPN-ին: