Նույնիսկ եթե մենք հաղթենք Ռեալին, շատ դժվար կլինի հաղթել Լա լիգան․ Չավի

«Բարսելոնայի» գլխավոր մարզիչ Չավին մեկնաբանել է Լա լիգայի 28-րդ տուրի խաղում «Օսասունայի» նկատմամբ տարած ջախջախիչ հաղթանակը (4:0) և գնահատել կատալոնացիների շանսերը «Ռեալի» դեմ Էլ Կլասիկոյում, որը կկայանա մեկ շաբաթ անց՝ մարտին 20-ին, Մադրիդում։

«Այն, ինչ տեղի ունեցավ «Գալաթասարայի» դեմ խաղում, մեզ համար արթնանալու կոչ էր: Դա տեղի է ունենում, եթե թիմը նվազեցնում է ինտենսիվությունը: Այսօր մենք անցկացրինք լավագույն հանդիպումներից մեկն այն պահից, երբ ես գլխավորեցի թիմը։ Դա բոլորին դուր եկավ, և դա մեզ մարտական ​​ոգի և վստահություն է հաղորդում:

Ես արդեն խոսել եմ Տորեսի մասին. գոլերը նրանից են գալու: Դա ժամանակի խնդիր էր։ Բացի այդ, շատ կարևոր է ամբողջ աշխատանքը և այն, ինչ նա տալիս է մեզ։ Դեմբելեն կարողանում է փոխել իրավիճակը. այսօր նա շատ լավն էր։

Նույնիսկ եթե մենք հաղթենք «Ռեալին» Սանտյագո Բերնաբեուում, ապա շատ դժվար կլինի հաղթել Լա լիգան։ «Ռեալն» այս մրցաշրջանում կրել է ընդամենը 2 պարտություն, և մեզ պետք է, որ նրանք պարտվեն ևս 3-4 անգամ։ Չենք կարող շատ լավատես լինել»,- Չավիիի խոսքերն է մեջբերում Marca-ն։

«Բարսելոնան» 51 միավորով երրորդն է Լա լիգայի մրցաշարային աղյուսակում: Նրանք առաջատար «Ռեալից» հետ են մնում 12 միավորով: